डोटी। डोटीमा लागुऔषधसहित एक युवक पक्राउ परेका छन्। कैलालीको अत्तरियाबाट अछामको साँफेबगर जाँदै गरेका कैलाली गौरीगंगा नगरपालिका वडा ८ महादेव टोल बस्ने २९ बर्षिय रमेश जोशीलाई प्रहरीले पक्राउ गरेको हो। जिल्ला प्रहरी कार्यालय डोटीले खैरो हेरोइन ओसारपसार गरेको आरोपमा डोटी प्रहरीले उनलाई पक्राउ गरेको हो।
ना ५ ख ४१६ नम्बरको गाडीमा अछाम जाँदै गर्दा जिल्ला प्रहरी कार्यालय अघी चेकपोष्टमा खानतलासी गर्दा उनको साथबाट ६ ग्राम २५० मिलिग्राम लागु औषध खैरो हिरोईन नियन्त्रणमा लिईएको प्रहरी नायब उपरिक्षक भोला कुमार भट्टले जानकारी दिए। लागुऔषध नियन्त्रण ऐन २०३३ अनुसार कारवाहीका लागी उनीमाथि थप अनुसन्धान भईरहको प्रहरी कार्यालय डोटीले जानकारी दिएको छ।
