डोटी। डोटीमा शुक्रबार साँझ आएको हावाहुरीका कारण एक जना बालक घाइते भएका छन् । डोटीको बोगटान फुड्सिल गाउँपालिका ७ मा हावाहुरीका कारण घरको पत्थर खस्दा ३ वर्षिय बिजय कुडमाल घाइते भएका हुन् । हावाहुरीले घरको पत्थर (ढुंगाबाट घर छाउन बनाईएको साधन) खस्दा बोगटान फुड्सिल गाउँपालिका ७ चवराचौतारा दाच्का निवासी हिमाल कुडमालका छोरा घाइते भएका हुन् ।
घरको आगनमा खेलिरहेका उनको टाउकोमा पत्थर खसेको उनका बुवा हिमालले जानकारी दिए। घाइते विजयको चवरा चौतारा स्वास्थ्य चौकीमा अक्सिजनको सहायतामा उपचार भइरहेको छ ।ठाउँकोमा दुई ओटा घाउ लागेकोले एउटामा ३ र एउटामा एक गरेर ४ टाका लगाएको स्वास्थ्य चौकी प्रमुख प्रकाश विकले बताए । घाइतेको अवस्था घम्भिर रहेको र थप उपचारका लागि दिपायल पठाएको प्रमुख बिकले बताए । साथै हावाहुरीले हिमालको घरमा समेत क्षति पुगेको छ ।
