डोटी। डोटीमा एक जना पुरुष मृत फेला परेका छन्। डोटीको जोरायल गाउँपालिका १ खडेना बस्ने ४५ वर्षीय मेक बहादुर कामी मृत अवस्थामा फेला परेका हुन्। उनी सोही गाउँपालिका १ स्थित घोराडी भिरबाट करिब ७ सय मिटर तल बिहीबार मृत फेला परेको प्रहरीले जानकारी दिएको छ।
उनी घरबाट बुधबार घण्टेश्वर बजार जान्छु भनेर हिँडेका थिए। तर, फर्केर नआएपछि खोजी गर्ने क्रममा उक्त भिरमा उनको शव फेला परेको प्रहरीले जनाएको छ। यस्तै घटनाको थप अनुसन्धान चलिरहेको प्रहरीले जानकारी दिएको छ ।
