बझाङ। बझाङमा खेत जोत्दाजोत्दै एक वडासदस्यको मृत्यु भएको छ। शनिबार जिल्लाको मष्टा गाउँपालिका-७ का नवनिर्वाचित वडासदस्य बमबहादुर बोहराको निधन भएको हो। शनिबार बिहान गाउँ नजिकैको खेतमा हलो जोत्दाजोत्दै रिंगटा लागेर अचानक ढलेका थिए। पारिवारिक स्रोतका अनुसार रिंगटा लागेर ढलेका उनको त्यहीँ ज्यान गएको हो। मृतक बोहरा गत बैशाख ३० गते नेकपा एमालेबाट वडासदस्यमा निर्वाचित भएका थिए।
