बाजुरा। बाजुराको बुढिगंगा नगरपालिकाको मतगणना जारी छ। अहिलेसम्म २९ सय ३७ मतगणना भएको बुढीगंगा नगरपालिका निर्वाचन कार्यालयले जानकारी दिएको छ।बुढिगंगा नगरपालिका वडा न १ र १० को गणना सम्पन्न भएकाेमा अहिले वडा नम्बर २ र ९ काे मतगणना भइरहेकाे छ।
मत परिणाम अनुसार एमालेले अग्रता लिएको छ। २९ सय ३७ मत गणनामा एमाले मेयरमा रामबहादुर बानियाँ १७३२ मत ल्याउँदै पहिलो स्थानमा रहेको छ। कांग्रेस रंगबहादुर खातीले १०३० मतका साथ दोस्रो स्थानमा छ। यस्तै उपमेयरमा एमालेबाट मायाकुमारी खड्का कुँवरले १६८७ मत ल्याएकी छिन भने कांग्रेसबाट रिता शाही शाहले १०६७ मत पाएकी छिन। यहाँ एमाले र कांग्रसबीच सुरुवाती कडा प्रतिस्पर्धा देखिएको छ। वैशाख ३० गतेको निर्वाचनमा दुवै पक्षले धाँधली गरेको देखिएपछि असार २३ गते फेरि मतदान गरिएको थियो। शुक्रबार दिउसो देखि मतगणना थालिएको थियो ।
