बाजुरा। बाजुराको जगन्नाथ गाउँपालिका वडा ४ को बगउरा भन्ने ठाउमा ट्याक्टर दुर्घटना हुदा ३ जना गम्भीर घाइते भएका छन् ।
शनिबार दिउसो सामान बोकेको सु.प.प्र ०१-००२ त ५०९३ नम्बरको ट्याक्टर दुर्घटना हुदा तीन जना गम्भीर घाइते भएका हुन् । घाइते हुनेमा जगनाथ गाउँपालिका ४ कै उजली भण्डारी, बिमला धराला र जग्ती भण्डारी रहेका छन। स्थानिय हाटबजार बेर्माबाट सोही गाउपालिकाको नाराकोट बामपानि जान लागेको उक्त ट्याक्टर शनिबार दिउँसो ४ बजे दुर्घटना भएको प्रहरीले जनाएको छ।
ट्याक्टर सडक बाट ५० मिटर तल खसेको हो। गम्भीर घाइते तिनै जनालाई हुनि स्वास्थ्य चौकीमा पठाइएको छ । त्यहाँ उपचार सम्भव नरहेको र थप उपचारको लागि कोल्टी प्राथमिक केन्द्रमा रिफर गरिसकेको जनाइएको छ। जिल्ला प्रहरी कार्यालय बाजुराका अनुसार ब्रेक फेल हुँदा दुर्घटना भएको हो।घटना स्थाल पुग्न बाकी रहेको प्रहरी नायव उपरिक्षक सुर्य थापाले बताएका छन। घाईतेहरूको थप उपचारका लागि एम्बुलेन्सको तयारी प्रहरीले गरिरहेको प्रहरी नायब उपरीक्षक थापाले बताए । ट्याक्टर गणेश ठारामगर स्थानियको नियन्तणमा रहेको प्रहरीले जनाएको छ।
