कञ्चनपुर। कञ्चनपुरमा लागूऔषधसहित एकजना पक्राउ परेका छन्। कञ्चनपुरको बेलौरी नगरपालिका– १० स्थित शिवनगरका ३८ वर्षीय बलराम चौधरीलाई लागूऔषध(खैरो हेरोईन)सहित प्रहरीले पक्राउ गरेको हो ।
जिल्ला प्रहरी कार्यालय कञ्चनपुर मातहत ईलाका प्रहरी कार्यालय बेलौरीबाट प्रहरी नायब निरीक्षक महेश राम महरको कमाण्डमा खटिएको प्रहरी टोलिले कञ्चनपुरको बेलौरी १० स्थित शिवनगरमा पैदल हिन्दै गरेका चौधरीलाई शंका लागी चेकजाँच गर्दा १२.११ ग्राम लागूऔषध खैरो हिरोइन जस्तो खैरो धुलो पदार्थ फेला परेको हो।
पाईन्टको खल्तिभित्र कालो प्लाष्टिकको थैली भित्र लुकाई छिपाई गरी राखेको अवस्थामा २ वटा पोकामा लागूऔषध खैरो हिरोइन फेला परेको इलाका प्रहरी कार्यालय बेलौरीका प्रहरी निरीक्षक दानसिंह भण्डारीले बताए। चौधरीमाथि थप अनुसन्धान भइरहेको प्रहरीले जनाएको छ। आइतबार दिउँसो २ बजे भारतबाट नेपाल आइरहेको अवस्थामा पक्राउ गरिएको कञ्चनपुर प्रहरीले जनाएको छ।
