बैतडी। बैतडीका एक जना पुरुष मृत फेला परेका छन् । बैतडीको सिगास गाउँपालिका वडा नं १ इरानाका ५२ बर्षीय गगनसिंह धामी आज बिहान पौने सात बजे मृत फेला परेका हुन् ।
सिगास गाउँपालिका वडा नं २ गाँजरी बजारस्थित आफ्नै घरमा उनी मृत फेला परेको जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीले बताए । मृतक धामीकका वडा नं १ र २ गरेर दुई ठाउँमा घर रहेको बताइएको छ । घटनास्थलमा इलाका प्रहरी कार्यालय पाटनबाट प्रहरी टोली पुगेको र घटनाका बारेमा अनुसन्धान भईरहेको प्रहरी निरीक्षक जोशीले जानकारी दिए ।
स्थानियको भनाई अनुसार हिजो गाउँघरमै रक्सी सेवन गरेका थिए, तर के कसरी ज्यान गयो केही खुल्न सकेको छैन ।धामी अर्जुन माध्यमिक विद्यालय गाजरीका विद्यालय व्यावस्थापन समितिका अध्यक्ष समेत रहेका थिए ।उनका २ छोरा र श्रीमरी रहेका छन । मृत लाशलाई अहिले पोस्टमार्टमका लागि पाटन लगिदै छ ।
