डोटी । डोटीमा जीप दुर्घटना भएको छ। जिल्लाको जिल्लाको सायल गाउँपालिका देखी दिपायल तर्फ गइरहेको सु.प्र.प्र०१००१ज १३९४ नम्बरको जीप दुर्घटना हुँदा १२ जना घाइते भएका छन्। सुदुरपीश्चम प्रदेश ट्राफिक प्रहरी कार्यालय अत्तरीयाका अनुसार १२ जना घाइते मध्ये २ जनाको अवस्था गम्भिर रहेका छन् ।
जिप शुक्रवार बिहान साढे १० बजे दुर्घटनामा परेको हो । दुर्घटनामा घाईते हुनेमा कैलालीको गोदावरीका ४२ बर्षिय राम प्रसाद ओझा र कञ्चनपुरकी ५० बर्षिय धारु सुनार गम्भिर घाईते भएका छन् । गम्भिर घाईते उनिहरुको दिपायमास्थीत शैल्यश्वरी अस्पताल डोटीमा लगीएको प्रहरीले जनाएको छ। यस्तै दुर्घटनामा घाइते हुनेमा कञ्चनपुरकी ४० बर्षीय कैली लुहार, कैलालीको गोदावरी ४ का २० बर्षिय शैलेश ओझा, सोही ठाउँका ३० बर्षिय टेकराज ओझा, ३५ बर्षिय कृष्णराज ओझा, सोही ठाउँकी ३५ बर्षिय मन्दिरा ओझा रहेका छन्।
यस्तै डोटीको आर्दश गाउँपालीकाका ३५ बर्षिय गोरे रैकाल, २२ बर्षिय सरस्वती ओझा, सोही ठाउँका गणेश अधिकारी रहेका छन् । यस्तै कैलालीका १४ बर्षिय कृष्ण ओझा र डोटीको आर्दश गाउँपालीकाका २८ बर्षीय शिवराज ओझा घाईते भएका छन् । उनीहरुलाई स्थानिय अस्पतालमा उपचार भैरहेको छ । जिपको एक्सल भाँचिएकाले दुर्घटना भएको सुदुरपीश्चम प्रदेश ट्राफिक प्रहरी कार्यालय अत्तरीयाले जनाएको छ।चालकलाई नियन्त्रण लिएको र घटना बारे थप अनुसन्धान भइरहेको जिल्ला प्रहरी कार्यालय डोटीले जनाएको छ।
