डोटी। डोटीको शिखर नगरपालिका वडा नम्बर ४ धूर्कोट नजिकै जिप दुर्घटना भएको छ। डोटीको लुवाखडी देखी तिजाली जाँदै गरेको ना १ ज ३३५२ नम्बरको जिप शिखर नगरपालिका वडा नम्बर ४ धूर्कोटमा दुर्घटना हुँदा १३ जना घाईते भएका छन् ।
जिल्ला प्रहरी कार्यालय डोटिका अनुसार पैदल यात्रुलाइ बचाउने क्रममा जिप दुर्घटनामा परेको हो। जिप दुर्घटनामा घाईते हुनेमा डोटिको शिखर नगरपालिका ५ तिजालिका २० बर्षिय सन्तोष बोहरा,सोही ठाउँका २१ बर्षिय हर्क ऐर, १८ बर्षिय डबल बोहोरा १६ बर्षिय केशरी साउद, ५३ बर्षिय गोरख बोहरा, २४ बर्षिय भिम बिक, २० बर्षिय दिर्घ साउद २० बर्षिय चन्द्र बोहरा घाइते भएका छन।
यस्तै जिप दुर्घटनामा गम्भीर घाइते हुनेमा शिखर नगरपालिका ५ का २४ बर्षिय रमेश ऐर, यस्तै चालक २१ बर्षिय धन बहादुर साउद, १६ बर्षिय गणेश बोहरा, २७ बर्षिय राम कार्की र शिखर नगरपालिका ४ का २० बर्षिय मीन बहादुर महरा रहेका छन । जिप ५० मिटर तल खसेको हो। घाइते सबैको डोटि स्थित शैलेश्वरी अस्पतालमा उपचार भैरहेको जिल्ला प्रहरी कार्यालय डोटिले जनाएको छ।
