डोटी। डोटीमा जीप दुर्घटना हुँदा २ जनाको मृत्यु भएको छ भने अन्य ७ जना घाइते भएका छन्। आइतबार साँझ साढे सात बजे डोटीको
पूर्वीचौकी गाउँपालिका १ साझघाटबाट वडा नम्बर ३ गैरागाउँ जाँदै गरेको से १ ज ८३९ नम्बरको जीप दुर्घटना भएको सुदुरपश्चिम प्रदेश ट्राफिक प्रहरी कार्यालय अत्तरीयाले जनाएको छ । मृत्यु हुनेमा पुर्वी चौकी–३ डोटीका ३७ बर्षका खेम बोहरा र ४० बर्षका पुरन बोहराको घटनास्थलै मृत्यु भएको हो।
यस्तै घाइते हुनेमा पुर्वी चौकी–३ डोटीकी १४ बर्षीय योशोदा बोहरा, ७ बर्षीय मोहन बोहरा, पुर्वी चौकी ३२ बर्षीय अम्मरसिह बोहरा, २८ बर्षीय टंकी बोहरा, ३७ बर्षिय कृष्ण बहादुर चोयडा, जितबहादुर बोहरा र जिल्ला बैतडी डिलाशैनी गाउँपालीका ५ का ३३ बर्षिय लोकराज जोशी रहेका छन्।
घाईतेहरुलाई जिल्ला अस्पताल डोटी ल्याईएको छ। उनीहरुको थप उपचार भैरहेको छ । घाईते मध्य कृष्णबहादुर चोयडा, जितबहादुर बोहोरा र लोकराज जोशी गम्भीर रहेको प्रहरीले जनाएको छ। जीप के कति कारणले दुर्घटना भएको हो भन्नेबारे पनि खुलेको छैन। अहिले जिल्ला प्रहरी कार्यालय डोटीबाट प्रहरी टोली घटना स्थल पुगेको छ।
