धनगढी। धनगढीमा ३ दिने महिला भलिबल प्रतियोगिता शुरु भएको छ।
ग्रामिण स्तरबाट महिला खेलाडी उत्पादन गर्न उदेश्यले एस पीए कलेजको आयोजनामा आज देखी धनगढीमा ३ दिने चौथो मेयर एसपीए कप महिला भलिबल कप प्रतियोगितामा आयोजना शुरु भएको हो।
प्रतियोगितामा धनगढीका ९ वटा कलेजको सहभागिता रहेको छ। धनगढी उपमहानगरपालिकाको आर्थिक सहयोगमा संञ्चालन भएको प्रतियोगितामा प्रथम हुने टिमले ५० हजार, दोस्रो हुने टिमले २५ हजार र तेस्रो टिमले नगद १२ हजार पुरस्कार पाउने चौथो मेयर एसपीए कप महिला भलिबल प्रतियोगिताका संयोजक भागिराम चौधरीले जानकारी दिए।
एसपीए कलेजका प्रबन्ध निर्देशक शुभाष शाहीको सहभागितामा उद्घाटन भएको खेलकुद प्रतियोगितामा धनगढी उपमहानगरपालिका वडा नम्बर ४ का वडा अध्यक्ष तथा उपमहानगर पालिकाका खेलकुद संयोजक दिपक थापाले प्रमुख अतिथी रहेका थिए। चौथो मेयर एसपीए कप महिला भलिभल प्रतियोगिताका संयोजक भागिराम चौधरीले ३ दिन सम्म संञ्चालन हुने प्रतियोगिता लिकम नकाउका आधारमा संञ्चालन गरिने जानकारी दिए । उनले प्रतियोगिताको समापन धनगढी उपमहानगरपालिकाका मेयर नृप बहादुर वडले गर्ने जानकारी दिएका छन्।
