डोटी। डोटीमा एक वडा अध्यक्ष नै गरिबको सूचीमा समेटिएका छन्। डोटीको बोगटान फुड्सिल गाउँपालिका वडा नम्बर १ का वडाध्यक्ष डम्मरबहादुर घर्ती मगरको नाम ‘अति गरिब’को सूचीमा समेटिएको भेटिएको हो।
भूमि व्यवस्था, सहकारी तथा गरिबी निवारण मन्त्रालयले गत बर्ष संकलन गरेको विवरण सार्वजनिक गर्दा फुड्सिल गाउँपालिका – १ का वडाध्यक्ष डम्मरबहादुर घर्ती मगरको नाम गरिबको सूचीमा भेटिएको पाइएको हो ।परिवार पहिचान सर्वेक्षणमा आधारित गरिब घर परिवारको सूची संकलनमा पर्दा तर उनको आर्थिकस्तर तथा अवस्था भने त्यस्तो छैन।वडाध्यक्ष घर्ती मगरले आफू गरिबको सूचीमा परेकोबारे जानकारी नभएको बताएका छन।
उनले आफू गरिव नभएको बताउँदै संकलकले त्रुटी गरेको बताए। उनी माओवादी केन्द्रका नेता समेत रहेका छन्। यस अघि दार्चुलामा गाउँपालिकामै कार्यरत गाउँपालिकाका अध्यक्षकी छोरीको नाम गरिबको सूचीमा भेटिएको थियो। गरिब घर परिवार सर्भेक्षणमा दुहुँ गाउँपालिकाका अध्यक्ष पुलेन्द्रबहादुर कार्कीकी २७ वर्षीया छोरी सावित्री कार्कीको नाम सामान्य गरिबको सूचीमा भेटिएको थियो ।
