कैलाली। भीमदत्त राजमार्गमा एक युवक मृत भेटिएपछि स्थानीयवासीले राजमार्ग अवरुद्ध पारेका छन्। भीमदत्त राजमार्गमा जोरायल गाउँपालिका– १ गोगनपानीमा डडेल्धुराको आलिताल गाउँपालिका–१ भुसुका १६ वर्षीय भानु नाथ मृत्तावस्थामा फेला परेका थिए।
सुदूरपश्चिमका सात पहाडी जिल्ला जोड्ने भीमदत्त राजमार्गमा स्थानीयवासीले राजमार्ग अवरुद्ध पारेका हुन्। उक्त घटनाको छानबिन गर्न भन्दै राजमार्ग बन्द गरिएको स्थानीयवासी कमलबहादुर डाँगीले जानकारी दिए। बिवाहमा गएका युवक मृत अबस्थामा भेटिए पछि स्थानीयले सडक अबरुद्ध पारेका छन् । राजमार्ग अवरुद्ध हुँदा लामो तथा छोटो दूरीका दजर्नौँ यातायातका साधन डोटीको गोगनपानीमा जाममा परेका छन्।
आज जोरायल गाउँपालिका– १ गोगनपानीमा डडेल्धुराको आलिताल गाउँपालिका–१ भुसुका १६ वर्षीय भानु नाथ मृत्तावस्थामा फेला परेका थिए। जिल्ला प्रहरी कार्यलय डोटीका प्रहरी उपरीक्षक दानबहादुर मल्लले घटना सम्बन्धमा थप अनुसन्धान भइरहेको जनाएको छ। लामो तथा छोटो दुरीका यातायातका साधनहरु प्रभाबित भएका छन् ।
