धनगढी। डोटीको दिपायल सिलगढी नगरपालिकामा ट्याक्टर दुर्घटना भएको छ। आइतबार बिहान जिल्लाको दिपायल सिलगढी नगरपालिका वडा नम्बर ४ कुमालिकोटस्थित राजपुरको आर्मी व्यारेक नजिकै दुर्घटना भएको प्रहरीले जनाएको छ।
प्रहरीका अनुसार बालुवा बोकेर केआइसिंहतर्फ गइरहेको से १ त ३२१७ नम्बरको ट्याक्टर दुर्घटना हुदा चालक घाइते भएका छन्। दुर्घटनामा परी बाजुरा बुढीनन्दा घर भएका २५ वर्षीय चालक लोकेन्द्र बोहरा घाइते भएका हुन्।उनलाइ उपचारका लागि सुजङ अस्पतालमा लगिएको छ। ट्याक्टर सडकबाट करिव २०० मिटर तल खसेको स्थानीय भुपेन्द्र कठायतले बताए।
