बैतडी। बैतडीमा एक जना पुरुष मृत अवस्थामा फेला परेका छन् । बैतडीको सिगास गाउँपालिका वडा नम्बर ८ स्थित कालपोखरी भन्ने स्थानमा अन्दाजी ५० वर्षीय कटकसिँह बोहरा मृत फेला परेको बैतडी प्रहरीले जनाएको छ।
जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काका अनुसार बोहराको शव आज दिउँसो ४ बजे फेला परेको हो। खोजी गर्दै जाँदा आज उनको शव भेटिएको प्रहरीले जनाएको छ । सिगास गाउँपालिका ८ पुनै डुङरी घर भएका बोहरा यही मंसिर १३ गते कालपोखरी मेलाबाट हराएका थिए ।
यता बोहराका आफन्तले भने हत्याको आशंका गरेका छन् । उनीहरुले घटनाको छानबीन गर्न माग गरेका छन्। घटनाका बिषयमा थप अनुसन्धानका लागि इलाका प्रहरी कार्यालय पाटनबाट अनुसन्धान टोली खटिसकिएको प्रहरी प्रवक्ता खड्काले जानकारी दिए ।
