कैलालीमा चक्कु प्रहारबाट एक युवकको हत्या भएको छ। जिल्लाको टीकापुर नगरपालिका वडा नम्बर ८ का १८ वर्षीय अनुप साउँदको हत्या भएको हो।
अनुपको चक्कु प्रहारबाट मृत्यु भएको जिल्ला प्रहरी कार्यालय कैलालीले जनाएको छ। चक्कु प्रहारबाट गम्भीर घाइते भएका अनुपको टीकापुर अस्पतालमा उपचारका क्रममा हिजो राति नै मृत्यु भएको कार्यालयका प्रवक्ता प्रहरी नायब उपरीक्षक प्रतिक विष्टले बताए।
घटनामा संलग्न भजनी नगरपालिका(३ का १९ वर्षीय किरण साउँदलाई प्रहरीले पक्राउ गरेको छ । घटनाबारे थप अनुसन्धान भईरहेको प्रहरीले जनाएको छ ।
