धनगढी। धनगढीमा आज र भोली कोभिड १९ विरुद्धको भेरोसेल खोपको दोश्रो मात्रा लगाइने भएको छ । धनगढी उपमहानगरपालिकामा कार्तिक (आज) १० र (भोली) ११ गते (भेरोसेल) पहिलो खोप लगाएका सम्पुर्णलाई कोभिड १९ विरुद्धको दोश्रो मात्राको भेरोसिल खोप लगाउने भएको हो।
उपमहानगरपालिकाका स्वास्थ्य शाखा प्रमुख कृष्ण बहादुर बोहराले उपमहानगरपालिकाको १९ वटै वडामा कोभिड-१९ विरुद्धको खोप लगाउने बताउदै वडा नम्बर १९ मा भने ११ र १२ गते कोभिड-१९ विरुद्धको भेरोसिल खोप लगाइने जानकारी दिए। १८ बर्ष माथिका पहिलो खोप लगाएका सम्पुर्णलाई खोप लगाइने बताउदै उपमहानगरपालिकाका मेयर नृप बहादुर वडले तोकेको स्थानमा उपस्थिति भई खोप लगाउन सम्पुर्ण वडा बासीलाई अनुरोध गरेका छन । उनले खोप लाउन आउदा अनलाइन फर्म भरेको दर्ता नम्बर र परिचय खुल्ने परिचयपत्र लिएर आउन आग्रह गरेका छन।
