बैतडी। बैतडीमा जीप दुर्घटनामा परेको छ। बैतडीको दशरथचन्द नगरपालिका वडा नं २ देहिमाण्डौँ स्थित कच्ची सडक खण्डमा जीप दुर्घटना हुँदा ९ जना घाइते भएका छन्।
मेलौली नगरपालिका ढणौनबाट देहिमाण्डौँ जाँदै गरेको भे १ च १११६ नम्बरको जीप सोमबार विहान साढे ९ बजे देहिमाण्डौँ सलेना कच्ची सडक खण्डको घुसुल्ला मोडमा दुर्घनामा परेको प्रहरीले जनाएको छ । देहिमाण्डौँ प्रहरी चौकीका इन्चार्ज केशब सिहँ भण्डारीका अनुसार कच्ची सडकमा जीप पल्टेको हो। दुर्घटनामा परि चालक सहित ९ घाइते छन्।
हुनेमा जीप चालक मेलौली नगरपालिका-३ का जनकबहादुर चन्द र वीरेन्द्रराम पार्की, पाटन नगरपालिका-५ का विनोद जोशी, सोही ठाउँका जितबहादुर चन्द, मानसिँह जोशी, रामदत्त जोशी र रामबहादुर चन्द तथा दशरथचन्द नगरपालिका–७ का देवदत्त बडू र दशरथचन्द नगरपालिका-२ का जयबहादुर बोहरा छन् । जीपमा १३ जना सवार रेहेकोमा चालक जनक चन्दको हातमा चोट लागेको र अरु सबै सकुशल रहेको जनाएको छ । चालकलाई उपचारका लागि जिल्ला अस्पताल बैतडी पठाइएको छ भने अन्य २ जनाको स्वास्थ्य चौकी देहिमाण्डौँमा उपचार भइरहेको छ । उकालोमा ब्रेक फेल भएकाले दुर्घटना भएको हुनसक्ने र यस विषयमा थप अनुसन्धान भइरहेको उनले बताए ।
