बैतडी। बैतडीमा जीपले मोटरसाईकललाई ठक्कर दिँदा तीन जना घाइते भएका छन् ।
बैतडीको दशरथचन्द राजमार्गको पाटन नगरपालिका ६ स्थित बेडौती भन्ने स्थानमा पाटनबाट खोडपेतर्फ आउदै गरेको से १ ज ६३४ नम्बरको जीपले बेडौतीबाट पाटन तर्फ गइरहेको भे ७ प ४३४५ नम्बरको मोटरसाईकललाई ठक्कर दिएको हो । ठक्कर दिदा मोटरसाइकलमा सवार दुई जना र जिप चालक घाईते भएका छन् ।
घाइते हुनेमा मोटरसाईकल चालक पाटन ६ बस्ने ३६ वर्षीय उद्धब जोशी, मोटरसाईकलमा पछाडी सवार सोहि ठाँउका ७३ वर्षीय अन्तराम पन्त र जिप चालक पाटन १ का ज्ञानेन्द्र भट्टराई रहेको इलाका प्रहरी कार्यालय पाटनका इन्चार्ज प्रहरी निरिक्षक राजेश शाहीले जानकारी दिए। प्रहरी निरिक्षक राजेश शाहीका अनुसार मोटरसाईकल चालक जोसीलाई डडेल्धुरा उपचार हुन नसकेपछि धनगढी रेफर गरिएको छ । मोटरसाईकल पछाडि सवार पन्तको डडेल्धुरामा उपचार भइरहेको छ । जीप चालक भट्टराईको भने पाटन प्राथमिक अस्पतालमा उपचार भइरहेको प्रहरीले जनाएको छ। जिपमा जिप साहु र चालक मात्रै सावर थिए ।
