धनगढी। लायन्स क्लब अफ धनगढी इनोभेटिभद्धारा नेपाल प्रहरीलाई मास्क तथा सेनिटाईजर सहयोग गरिएको छ । कोरोना भाइरस कोभिड १९ को माहामारीकाबीच नेपाल प्रहरीले देखाएको सक्रियता र प्रहरीको तपाईको मास्क खोई अभियानलाई सहयोग पुगोस भन्ने उदेश्यले मास्क तथा सेनिटाईजर वितरण गरिएको क्लबले जनाएको छ ।
क्लबले वडा प्रहरी कार्यालय र जिल्ला ट्राफिक प्रहरी कार्यालय कैलालीलाई मास्क र सेनिटाईजर हस्तान्तरण गरेको जनाएको छ । कैलालीमा नेपाल प्रहरीले कोभिड १९ को माहामारी नियन्त्रण तथा रोकथामका लागि तपाईको मास्क खोई अभियान सञ्चालन गरिरहेको छ ।
तपाईको मास्क खोई अभियानमा मास्क प्रयोग नगर्नेलाई मास्क प्रयोग गर्न अनुरोध गरिएको छ भने अटेर गर्नेलाई जरिवाना समेत गरिँदै आएको छ । प्रहरीको सोहि अभियानलाई सहयोग गर्दै मंगलबार लायन्स क्लब अफ धनगढी इनोभेटिभले वडा प्रहरी कार्यालय र जिल्ला ट्राफिक प्रहरी कार्यालय कैलालीलाई मास्क र सेनिटाईजर वितरण गरेको क्लबका प्रथम उपाध्यक्ष अर्जुल रावलले जानकारी दिएका छन् ।
