धनगढी। धनगढी उपमहानगरपालिका ३ का एक युवक मोहना नदी तर्ने क्रममा बेपत्ता भएका छन् । कञ्चनपुरबाट कैलालीतर्फ आउँदै गरेका धनगढी उपमहानगरपालिका वडा नम्बर ३ का २८ वर्षीय पुरन राना नदी तर्ने क्रममा बेपत्ता भएको जिल्ला प्रहरी कार्यालय कैलालीले जनाएको छ ।
बेलुका ६ बजेतिर ३ जना कैलाली आउदै गर्दा मोहना नदी तर्ने क्रममा पुरन बेपत्ता भएको जनाएको छ । उनिसगै आएका दुई जनाले भने नदी पार गरेको प्रहरीले जनाएको छ । प्रहरीको टोलीले पुरनको खोजी कार्य जारी राखेको जिल्ला प्रहरी कार्यालय कैलालीका प्रवक्ता तथा प्रहरी नायव उपरीक्षक प्रतिक विष्टले जानकारी दिए । धनगढी उपमहानगर वडा नम्बर ३ र कञ्चनपुरको राजघाट जोड्ने पक्की पुलमा बाढीले क्षति पुगाएपछि अहिले आवागमन बन्द छ। स्काई फोल्डिङ पुल भने बाढीले बगाएको छ।
