कञ्चनपुर । कञ्चनपुरमा प्रहरीले लागुऔषधसहित २ जनालाई पक्राउ गरेको छ। बुधबार साँझ ६ बजे भीमदत्त नगरपालिका–६ बसपार्कस्थित विद्युत कार्यालय अगाडि पर्किङ गरि राखिएको ना ४ ख ८२०५ नम्बरको बसबाट ती दुई जनालाई नियन्त्रणमा लिइएको हो।
पक्राउ पर्नेमा सोही नगरपालिका–५ बस्ने ३३ वर्षीय सुरेन्द्रराज भट्ट र वडा नम्बर ८ का २८ वर्षीय प्रकाश औजी रहेको जिल्ला प्रहरी कार्यालय कञ्चनपुरले जनाएको छ। वडा प्रहरी कार्यालय कञ्चनपुर र जिल्ला प्रहरी कार्यालय कञ्चनपुरबाट खटिएको संयुक्त प्रहरी टोलीले जिल्ला कञ्चनपुर भीमदत्त नगरपालिका वडा नं- ६ बसपार्क स्थित बिधुत कार्यालय अगाडी सडक किनारमा पार्किङ् गरी राखेको अवस्थामा खानतलासी गर्दा लागुऔषध (खैरो हेरोईन) मोबाईल र नगद रुपैयाँ बरामद गरेको हो ।
उनीहरुको साथबाट ५.०८ ग्राम लागुऔषध खैरोहिरोइन, २ थान मोबाइन र ४१ हजार बरामद गरेको जिल्ला प्रहरी कार्यालय कञ्चनपुरका प्रहरी नायव उपरीक्षक सिद्धराज न्यौपानेले बताए। बससहित नियन्त्रणमा लिइएका उनीहरुमाथि थप अनुसन्धान भइरहेको डिएसपी न्यौपानेले बताए।
