कञ्चनपुर। कञ्चनपुरमा बँदेलको मासु सहित एक जना पक्राउ परेका छन् । कञ्चनपुरको लालझाडी गाउँपालिका वडा नम्बर ५ बस्ने ३९ वर्षीय राम साहेब रानालाई पक्राउ गरेको हो।
लालझाडी सब डिभिजन बन कार्यालयका रेन्जर करुणाकर अवस्थीको नेतृत्वमा विशेष सूचनाको आधारमा खटिएको गस्ती टोलीले गएराती साढे ११ बजेको समयमा लालझाडी बन क्षेत्रबाटै बँदेल मार्न प्रयोग गरिएको २ थान जाल र बँदेलको डेढ किलोग्राम मासु सहित रानालाई पक्राउ गरेको जनाएको छ।
पक्राउ परेका रानालाई बन कार्यालयको नियन्त्रणमा लिई थप अनुसन्धान भइरहेको डिभिजन बन कार्यालय कञ्चनपुरका निमित्त प्रमुख दिनेश कुमार यादवले जानकारी दिए ।
