धनगढी। कैलालीमा सालको काठसहित २ जना पक्राउ परेका छन् । कैलालीको मोहन्याल गाउँपालिकामा काठ चिरान गरिरहेको अवस्थामा २ जना पक्राउ परेका छन्।
मोहन्याल गाउँपालिका वडा नम्बर ७ संगम सामुदायिक वनको बडिआममा अबैध रुपमा काठ चिरान भईरहेको भन्ने सूचनाका आधारमा ईलाका प्रहरी कार्यालय सुगरखालबाट खटिएको प्रहरी टोलीले दुई जनालाई पक्राउ गरेको हो। पक्राउ पर्नेमा ईलाम जिल्ला फागुनन्दा गाउँपालिका-७ का २६ बर्षका विक्रम लिम्बु र २४ बर्षका अर्जुन लिम्बु रहेका छन्।
प्रहरीले पक्राउ परेका साथबाट काठ चिर्ने मेसिन (चेन्स) १ थान, ३.४ को सात फुटको कडी १ सय १९ थान,१० फुटको कडी ३१ थान, ७ फुटका पट्रा ३६ थान, २.४ ईन्चको कडी ६ थान बरामद गरेको छ। दुवै जनालाई आवश्यक कारवाहीका लागि मेसिन र काठसहित संगम सामुदायिक वनमा बुझाईएको प्रहरीले जनाएको छ।
