धनगढी। बिहीबार साँझ कैलालीमा ट्रक दुर्घटना हुँदा चालकको मृत्यु भएको छ । धनगढीबाट डडेल्धुरातर्फ गईरहेको ट्रक बिहीबार साँझ गोदावरीको पुल नजिक दुर्घटना हुँदा बैतडी सिगास गाउँपालिका ९ बाचपानीका ३५ बर्षीय रामसिह महराको मृत्यु भएको हो ।
दुर्घटनामा परी गम्भीर घाइते भएका महराको सेती प्रादेशिक अस्पतालमा उपचारका क्रममा मृत्यु भएको प्रहरीले जनाएको छ । मृतक महराको घरमा अपांगता भएका आमा र श्रीमति रहेका छन् । उनका दुई छोरा रहेको बताइएको छ । यस्तै बैतडीको सुर्नया गाउँपालिका ५ घर भएका सहचालक पंकज मडै भने सामान्य घाइते भएका प्रहरीले जनाएको छ ।
