धनगढी। नगद ६ लाख १ हजार सहित गौरीफन्टा नाकाबाट एक जना ब्यक्ती पक्राउ परेका छ्न् । सशस्त्र प्रहरी बल नेपाल नं। ३५ गण हेडक्वाटर शैलेश्वरी कञ्चनपुर मातहत बोडर आउट पोष्ट डोकेबजारले ६ लाख १ हजार ५ सयसहित एक जना भारतिय नागरिकलाई पक्राउ गरेको हो।
भारतबाट नेपाल आउने ब्यक्तिहरुलाई चेकजाँच गर्ने क्रममा भारतको साहजहाँपुर मोहल्लाका ४१ वर्षीय रजिनिस कुमारलाई पक्राउ गरिएको सशस्त्र प्रहरीले जनाएको छ । चेकजाँच गर्ने क्रममा उनको साथबाट स्रोत नखुलेको ६ लाख १ हजार ५ सय रुपैँया बरामद गरिएको र आवश्यक कानूनी कारवाहीको लागि त्रिनगर भन्सार कार्यालय कैलालीमा बुझाइएको जनाएको छ।
