बाजुरा। बाजुरामा भरुवा बन्दुकसहित एक जना पक्राउ परेका छन् । बाजुराको पुर्वी उत्तरी भेगको जगन्नाथ गाउँपालिका–६ मा पर्ने सिमलेकबाट एकनाले भरुवा बन्दुक सहित एक युवक पक्राउ परेका हुन्।पक्राउ पर्नेमा सोही गाउँपालिका–६ मनीकाडा गोत्रीका ४२ वर्षीय ऐनबहादुर रावल रहेको जिल्ला प्रहरी कार्यालय बाजुराका प्रहरी निरीक्षक तथा सूचना अधिकारी धनदेव साउद जानकारी दिए।
उनका अनुसार लेकको खर्कमा भरेर राखेको अवस्थामा गोप्य सूचनाका आधारमा बन्दुक बरामद गरी गरिएको हो।बन्दुक भरेर राखेको र वन्यजन्तुको सिकार गर्ने गरेको गोप्य सुचनाबाट जुड्डी प्रहरी चौकीका इन्चार्ज प्रहरी नायव निरिक्षक बीरसिंह ठगुन्नाको टोलीले पक्राउ गरी इलाका प्रहरी कार्यालय कोल्टीमा ल्याएको प्रहरी निरिक्षक साउदले बताए।
