बझाङ। बझाङमा नदीमा हाम फालेर एक जना बेपत्ता भएका छन् । बझाङको सेती नदीमा हाम फालेर एकजना बेपत्ता भएकोे बझाङ प्रहरीले जनाएको छ । जिल्ला प्रहरी कार्यालय बझाङका अनुसार आइतबार बिहान करिब ७ बजे जयपृथ्वी नगरपालिका ११ काप्रिकोटका ६० वर्षीय धर्मराज जोशी हाम फालेर बेपत्ता भएका हुन्।
स्थानीयले कपडेको झोलुङ्गे पुलनेरबाट सेती नदीमा हाम फालेर बेपत्ता भएको खबर गरेपछि प्रहरीले खोजी सुरु गरेको जिल्ला प्रहरी कार्यालय बझाङले जनाएको छ। हामफाल्नुको कारण भने नखुलेको जिल्ला प्रहरी कार्यालय बझाङका प्रमुख रूपक खड्काको भनाई छ । जोशीको खोजी कार्य जारी रहेको प्रहरीले जनाएको छ।
