बैतडी। बैतडीमा एक वर्षको अवधिमा ५ हजार बढी नागरिकले नेपाली नागरिकताको प्रमाणपत्र लिएका छन् । गत आर्थिक वर्ष २०७७/०७८ मा ५ हजार ५ सय ६४ जनाले नागरिकता बनाएको जिल्ला प्रशासन कार्यालय बैतडीले जनाएको छ । ३ हजार ३ सय ५८ पुरुष र २ हजार २ सय ६ महिलाले नेपाली नागरिकताको प्रमाणपत्र लिएको जिल्ला प्रशासन कार्यालयका सूचना अधिकारी खगेन्द्र भारतीले जानकारी दिए।
यस्तै ६ जनाले नेपाली नागरिकताको प्रमाणपत्र परित्याग गरेका छन् । अन्य देशको नागरिकता प्राप्त गरेका ६ जनाले नेपाली नागरिकताको प्रमाणपत्र परित्याग गरेका सूचना अधिकारी भारतीले जानकारी दिए । कोरोना महामारीका कारण गत आर्थिक बर्षमा केही समय कार्यालय बन्द रहेको उनले बताए ।
