धनगढी : २४ औँ स्थापना दिवशको अवशर पारी अटो मेकानिक्स ट्रेड युनियन सुदूरपश्चिम प्रदेश कमिटिले बिभिन्न कार्यक्रम आयोजना गरेको छ । युनियन स्थापना भएको २४ औँ बषृमा प्रवेश गर्दै गरेको अवस्थामा युनियन सुदूरपश्चिम प्रदेश कमिटिले धनगढीमा बिबिध कार्यक्रम सम्पन्न गरेको हो । शनिबार हरेक वर्क सपको सरसफाई संगै कोभिड सम्बन्धि सरसफाई गरेको युनियनले सोमबार धनगढीमै रक्तदान कायृक्रमको आयोजना गरेको छ । धनगढीको बोराडाँडी चोकमा आयोजित रक्तदान कार्यक्रममा १ सय १९ जनाले रक्तदान गरेको अटो मेकानिक्स ट्रेड युनियन सुदूरपश्चिम प्रदेश कमिटि अध्यक्ष चन्द्र प्रकाश गैरेले बताए ।
आज अटो मेकानिक्स ट्रेड युनियन सुदूरपश्चिम प्रदेश अध्यक्ष चन्द्र प्रकाश गैरेको अध्यक्षतामा आयोजित रक्तदान कार्यक्रममा जिफन्ट राष्ट्रिय कमिटी सदस्य देव बहादुर बमको प्रमुख आतिथ्यमा सम्पन्न भएको थियो । यस्तै कार्यक्रममा अतिथी नेपाल यातायात स्वतन्त्र मजदुर सङ्गठनका केन्द्रिय सचिव जित बहादुर मल्ल, नेपाल अटो मेकानिक्स ट्रेड युनियन केन्द्रीय कमिटी निवर्तमान उपाध्यक्ष ठक्कर बिष्ठ, नेपाल अटो मेकानिक्स ट्रेड युनियन सुदूरपश्चिम प्रदेश कमिटी सल्लाहकार सदस्य पन्नालाल शाहा, नेपाल यातायात स्वतन्त्र मजदुर सङ्गठनका सुदूरपश्चिम अध्यक्ष ललित चन्द लगायत अतिथिहरुको सहभागिता थियो । कार्यक्रमको सञ्चालन गोपाल केसीले गरेका थिए ।
शनिबार वर्कसप सरसफाई गरेर उद्घाटन भएको कार्यक्रमको समापन आज साँझ दिप प्रज्वलन गरेर समापन गरिने अटो मेकानिक्स ट्रेड युनियन सुदूरपश्चिम प्रदेश अध्यक्ष चन्द्र प्रकाश गैरेले जानकारी दिए ।
