बैतडी। पहिरोका कारण अवरुद्ध बनेको जयपृथ्वी राजमार्ग सुचारु भएको छ । सडकमा खसेको पहिरो पन्छ्याएपछि राजमार्ग सुचारु भएको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले बताए । पहिरो खसेको ठाउँमा डोजरले पहिरो पन्छ्याएपछि सवारी साधन सञ्चालनमा आएका उनले बताए ।
राजमार्गको खोड्पे–श्रीभावर सडक खण्ड अन्तगर्त बैतडीको ढोल्यामोडमा पहिरो खसेपछि सडक अवरुद्ध भएको थियो । बिहीबार राती खसेको पहिरोका कारण सडक अवरुद्ध भएको थियो । बर्षातको समयमा पहिरो खस्ने भएकाले जयपृथ्वी राजमार्ग बेलाबेलामा अवरुद्ध हुने गरेको छ ।
