अछाम। अछाम जिल्लामा मिनि ट्रक दुर्घटना हुदा २ जना घाईते भएका छन् । एक जनाको अवस्था मध्यम रहेको छ । मध्यपहाडी सडकखण्ड अन्तरगत अछामको मंगलसेन नगरपालिका वडा नम्बर ५ स्थित नेपाली सेनाको ब्यारेक नजिक दुर्घटनामा परेको हो । दुर्घटनामा परि गाडी चालक गोदावरि नगरपालिका ४, गैरेगडा कैलालीका २३ बर्षिय लोकेश धामी सामान्य घाईते भएका छन् भने गाडी मालिक चुरे गाउँपालिका वडा नम्बर५ खानीडाँडाका ४६ बर्षिय जयबहादुर बोहरा मध्यम घाईते भएका प्रहरीले जनाएको छ ।
बोहराको अनुहार, नाक, टाउको लगायतमा चोट लागेको छ भने रक्तश्राव समेत बढी भएको जिल्ला अस्पताल अछामले जनाएको छ । से १ ख १०९६ मिनि ट्रक जुम्लामा किताब पुर्याएर धनगढी फर्किने क्रममा मंगलसेन नेपाली सेनाको ब्यारेक नजिक ब्रेक फेल भएर सडकको बायाँ तिर नालीमा खसेरे दुर्घटना भएको प्रहरीको भनाइ छ । खालि रहेको ट्रक दुर्घटना भएको र ट्रकको अगाडीको भागमा क्षति पुगेको छ । अगाडीको सिसा पुरै फुटेको छ भने कुच्चिएको समेत छ । घाईतहरुको जिल्ला अस्पताल अछाममा उपचार भईरहेको बताईएको छ । उनीहरुको अवस्था खतरा मुक्त रहेको छ । दुर्घटना पश्चात् प्रहरीको टोली घटनास्थल पुगेर आवश्यक अनुसन्धान गरेको छ ।
