प्रहरीले धनगढीको सन्तोष मेडिकोमा छापा हानेको छ। सेती प्रादेशिक अस्पताल अगाडि रहेको उक्त मेडिकोले लागुऔषधि कारोबार गरिरहेको भन्ने सूचनाका आधारमा जिल्ला प्रहरी कार्यालय कैलालीको टोलीले छापा हानेको हो। छापा हानिसकेपछि उक्त मेडिकलमा केही मात्रामा अवैध लागुऔषधि फेला परिसकेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक विष्टले बताए। ‘लागुऔषधि प्रयोगकर्ताले प्रयोग गर्ने केही औषधि फेला परेको छ। ती औषधि बेच्न मिल्ने हो की नमिल्ने हो हामी अनुसन्धान गर्दैछौं’ उनले भने। अन्य औषधीबारे अनुसन्धान संंगै बेच्न मिल्ने या नमिल्ने औषधी बिभागसंग बुझ्छौँ अनी प्रकृया अगाडी बढ्ने बिष्टले बताए ।
