कञ्चनपुर। कञ्चनपुर प्रहरीले लागुऔषधसहित १ जनालाई पक्राउ गरेको छ। सोमबार दिउँसो ४ः०० बजेको समयमा जिल्ला प्रहरी कार्यालय कञ्चनपुर तथा मातहतबाट खटिएको प्रहरी टोलीले जिल्लाको दोधारा चाँदनी नगरपालिका–४ झोलुङ्गे पुलस्थित म १ प ८२३५ नम्बरको मोटरसाइलमा सवार भीमदत्त नगरपालिका–६ ऐठपुरका २४ वर्षीय प्रवीन सिंहलाई पक्राउ गरिएको हो। उनको साथबाट ०.६०० मिलीग्राम खैरो हेरोइन बरामद गरेको जिल्ला प्रहरी कार्यालय कञ्चनपुरले जनाएको छ। पक्राउ परेका सिंहमाथि थप अनुसन्धान भइरहेको जिल्ला प्रहरी कार्यालय कञ्चनपुरले जानकारी दिएको छ।
