बझाङ । बझाङमा पहिरोमा पुरिएर एक जनाको मृत्यु भएको छ । जिल्लाको तलकोट गाउँपालिका–६ रजाडामा धारामा पानी भर्दै गर्दा पहिरो जाँदा ६० वर्षीया बृद्धा सुना दमाईको मृत्यु भएको हो । शुक्रवार धारामा पानी भर्ने गएका बेला जमिन भासिएर पहिरो खसेपछि पहिरोमा पुरिएर दमाईको घटनास्थलमै मृत्यु भएको जिल्ला प्रहरी कार्यालय बझाङले जनाएको छ ।
घटनापछि प्रहरी चौकी मेलविसौनाबाटे प्रहरी टोली त्यहाँ पुगि दमाईको शव पोष्टमार्टमका लागि जिल्ला अस्पताल सिमखेतमा ल्याइएको जिल्ला प्रहरी कार्यालय बझाङका प्रमुख रुपक खड्काले जानकारी दिए ।
