धनगढी: कैलालीको गोदावरी नगरपालिका– १ ले ज्येष्ठ नागरिकहरुलाई सिरक वितरण गरेको छ । वडा कार्यालयले शुक्रबार वडामा रहेका ८० वर्ष उमेर भन्दा माथीका ज्येष्ठ नागरिकहरुलाई सिरक वितरण गरेको हो ।
वडाध्यक्ष गोपाल दत्त भट्टले चिसाको समयमा ज्येष्ठ नागरिकहरुलाई राहत दिने उद्देश्यले सिरक वितरण गरिएको बताए । उनले वडाको चालु आर्थिक वर्षको कार्यक्रम अनुसार वडाभित्रका १०१ जना ज्येष्ठ नागरिकहरुलाई सिरक वितरण गरिएको बताए ।
