एजेन्सी: दक्षिण भारतीय अभिनेता अल्लु अर्जुनको फिल्म ‘पुष्पा २ः द रुल’ हलमा रिलिज भएको १८ दिन भइसकेको छ । फिल्मले अझै शानदार कमाइ गरि नै रहेको छ । भारतको बक्स अफिसमा हजार करोड भारुको स्तर पार गरेर फिल्मले बाहुबली-२ को रेकर्ड पनि तोडिदिएको छ ।
आइतबार फिल्मले ३३ करोड २५ लाख भारुको कलेक्सन गरेको थियो । यसमध्ये २६ अर्ब ७५ करोड भारु हिन्दी बजारमा मात्रै भएको थियो । योसँगै भारतमा फिल्मको कुल नेट कलेक्सन १०६२ करोड ९० लाख भारु पुगेको छ । भारतीय बक्स अफिसमा बाहुबलीको कलेक्सन १०३२ करोड ४२ लाख भारु थियो । हिन्दीमा पनि पुष्पा २७०० करोड क्लबमा छिर्ने क्रममा छ । यो आफैँमा अर्को एउटा रेकर्ड हुनेछ । विश्वभर ‘पुष्पा २’ को कुल कलेक्सन १५०० करोड भारु नाघेको छ । योसँगै फिल्म सन् २०२४ को सबैभन्दा धेरै कमाउने फिल्म बनेको छ ।
