धनगढी । आजबाट सुरु भएको नेपाल प्रिमियर लिग एनपीएल को विजेताले १ करोड ११ लाख पाउने नेपाल क्रिकेट संघ क्यानले जनाएको छ।
त्यस्तै उपविजेताले ५५ लाख प्राप्त गर्दा तेस्रोले ३० लाख र चौथोले २० लाख पाउने जनाइएको छ। आज सुरु भएको प्रतियोगिताको उद्घाटन युवा तथा खेलकुद मन्त्री तेजुलाल चौधरीले गरेका थिए। यद्यपि यसअघि राष्ट्रपति रामचन्द्र पौडेलले उद्घाटन गर्ने भने पनि अन्तिम समयमा उनले उपस्थित हुन नसक्ने जानकारी गराएपछि खेलकुद मन्त्रीद्वारा प्रतियोगिताको उद्घाटन गरिएको हो।
उद्घाटन समारोहमा राष्ट्रिय खेलकुद परिषद् राखेप का सदस्य सचिव टंकलाल घिसिङसहित क्यानका पदाधिकारीको उपस्थिति रहेको थियो। आजबाट सुरु भएको एनपीएलको समापन ६ पुसमा हुने छ।
