धनगढी: कैलालीको गौरिगङ्गा नगरपालिका वडा नम्बर २ धवै उदासीको भागेश्वर आधारभुत बिद्यालयले सहयोगि नेपालका अध्यक्ष गोपाल प्रसाद ओझालाई सम्मान गरेको छ । बिद्यालयको आर्थिक तथा सामाजिक बिकासका लागी सहयोग गरे वाफत ओझालाई सम्मान गरेको बिद्यालयका प्रधानाध्यापक टिकेन्द्र शिङ्ह धामिले जानकारी दिए । शिङ्ह लाई प्रधानाध्यापक धामी र गौरिगङ्गा नगरपालिकाका उप-प्रमुख भोज बहादुर बमले दोसल्ला ओढाउदै प्रमाणपत्र सहित सम्मान गरेका हुन् । आज एक कार्यक्रमका बीच उनलाई सम्मान गरिएको हो । सहयोगी नेपालले बिद्यालयमा अध्यायनरत विद्यार्थी हरु लाई झोला तथा स्टेसनरी वितरणमा सहयोग गरेको थियो ।
बिद्यालय र सहयोगी नेपाल सस्थाको सहयोगमा १ सय ५३ जना विद्यार्थी हरुलाइ झोला र स्टेसनरी सहयोग गरिएको छ । सम्मान पस्चात सहयोगी नेपालका अध्यक्ष ओझाले आगामी दिनमा पनि विद्यार्थीहरुको सैक्षिक बिकासमा बिद्यालय सित सहकार्य गर्ने प्रतिबद्धता गरेका थिए ।
कार्यक्रममा गौरिगङ्गा नगरपालिकाका उप-प्रमुख भोज बहादुर बमले बिद्यालयले पछिल्लो समय सकारात्मक नतिजा दिन लागेको बताए । बिद्यालय सुधारका लागी नगरपालिकाका तर्फबाट आवश्यक सहयोग गर्ने बमले प्रतिबद्धता गरे । बिद्यालयलाई सहयोग गरेकोमा सहयोगी नेपालका अध्यक्ष ओझा सहित उप-प्रमुख लगायत लाई प्रधानाध्यापक धामीले धन्यवाद दिएका थिए । यस्तै बिद्यालयलाई धनगढीमा रहेको आर • जे• ट्रेडर्स एण्ड सप्लायर्सले कुर्सी सहयोग गरेको छ । ट्रेडर्सका संचालक जनक केसी लाई बिद्यालयका प्रधानाध्यापक धामिले धन्यवाद दिएका छन् ।
