धनगढी । कैलालीको गोदावरीमा जिपले मोटरसाइकललाई ठक्कर दिँदा २ जना घाइते भएका छन् । बुधवार साँझ अत्तरिया धनगढी ६ लेन सडक अन्तरगत गोदावरी नगरपालिका – १ मनहरा पुल नजिकै से १ ज १८७३ नम्बरको जिपले सुप प्र ०१००१० प २७३ नम्बरको मोटरसाइकललाई ठक्कर दिँदा २ जना घाइते भएका हुन् ।
घाइते हुनेमा मोटरसाइकल चालक गोदावरी नगरपालिका – ६ बडेहाका १९ वर्षीय दीपेन्द्र राना र पछाडि सवार सोही ठाउँका अन्दाजी २६ का गोपाल चौधरी रहेका छन् । घाइते रानाको दुवै खुट्टामा चोट लागेको र चौधरीको वाँया खुट्टामा चोट लागेको प्रदेश ट्राफिक प्रहरी कार्यालय अत्तरियाले जनाएको छ ।
घाइते दुवै जनाको माया मेट्रो अस्पतालमा उपचार भइरहेको छ । ठक्कर दिने जिप र चालकलाई इलाका प्रहरी कार्यालय मालाखेतीले नियन्त्रणमा लिएको छ ।
