धनगढी । कैलालीमा प्रहरीले ८ जना जुवाडेलाई पक्राउ गरेको छ। आज जिल्लाको लम्कीचुहा नगरपालिका २ मोतिपुरबाट उनीहरूलाई समातिएको हो।
प्रहरीले गोप्य सूचनाको आधारमा उनीहरूलाई सोही स्थानका २५ वर्षीय अर्जुन डाँगीको घरमा जुवा खेलिरहेको अवस्थामा समातेको हो।
उनीहरूबाट रु २७ हजार ७३० रुपैयाँ र ६ गड्डी तास पनि बरामद गरिएको बताइएको छ। प्रहरीले जुवा खेलिरहेको अवस्थामा धनन्जय खनाल, सरोज रावल, जगत राज ढुंगाना, आशापति रोकाया, तुलानन्द रिमाल, देवराज बडुवाल, नविन धामि, लोकेश मयाल लाई पक्राउ गेको हो ।
