धनगढी: बाजुराको स्वामीकार्तिक खापर गाँउपालिका-३ बस्ने अन्दाजी २७ वर्षीय प्रवेश शाही पक्राउ परेका छन् । प्रहरीका अनुसार शाहीले असोज ५ गते राति स्वामीकार्तिक खापर-३ रिवडामा ४० वर्षका धिरेन्द्र शाहीलाई भरुवा बन्दुक प्रहार गर्न खोजेका थिए । धिरेन्द्रले बन्दुकको नाल समातेर साइड लगाउँदा प्रवेशले बन्दुक पड्काएपछि सोही ठाउँका ५४ वर्षका वीरबहादुर शाहीको निधारमा चोट लागी घाइते भएका थिए ।
त्यसपछि भागेका प्रवेशलाई इलाका प्रहरी कार्यालय बुढीनन्दा र इलाका प्रहरी कार्यालय स्वामीकार्तिकबाट खटिएको टोलीले एक थान भरुवा बन्दुक बरामद गरी ६ गते नियन्त्रणमा लिएको थियो ।उनीमाथि बाजुरा जिल्ला अदालतबाट ज्यान सम्बन्धी कसूर (ज्यान मार्ने उद्योग) र हातहतियार तथा खरखजाना सम्बन्धी कसूरमा ३ दिन म्याद थप गरी थप अनुसन्धान भइरहेको जिल्ला प्रहरी कार्यालय बाजुराले जनाएको छ ।
