धनगढी ।
धनगढी । बाजुराको साँफे मार्तडी सडक अवरुद्ध भएको छ । साँफे–मार्तडी सडकअन्तर्गत बडिमालिका नगरपालिका –६ स्थित नुनेपानी सडकमा पहिरो गएपछि सो सडक अवरुद्ध भएको हो ।
सडक अवरुद्ध हुँदा मार्तडीमा सुचारु हुँदै आएका सवारी साधन अहिले बिचबाटोमा रोकिएपछि सदरमुकाम मार्तडी जान निकै समस्या भएको यहाँका स्थानीयले बताएका छन् ।
गत रात्री अबिरल वर्षातका कारण नुनेपानी सडकको माथिबाट आएको पहिरोले सडक अवरुद्ध भएको सडक डिभिजन कार्यालय अछामले जनाएको छ ।
पहिरोका कारण सडक अवरुद्ध भएको खवर प्राप्त भएपछि अहिले बिहान सो सडकमा गएको पहिरो पन्छ्याउन डोजर पठाइसकेको सडक डिभिजन कार्यालय अछामका सुपरभाइजर गोकुल गिरीे बताए ।
अबका केही समयपछि अवरुद्ध भएको सो सडक पुन सुचारु हुने सडक डिभिजन कार्यालय अछामका सुपरभाइजर गिरीले बताए ।
