बैतडी–लगातारको बर्षाले बैतडीमा एक घर भत्किएको छ । जिल्लाको दशरथचन्द नगरपालिका ९ स्थित मनध्वज रानाको दुईतले कच्ची घर भत्किएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए ।
लगातारको बर्षाले शुक्रबार दिउँसो रानाको दुईतले कच्ची घर भत्किएको हो । उक्त घरमा बसोबास नभएकाले मानवीय क्षति भने नभएको प्रहरीले जनाएको छ । घटनाका बिषयमा थप बुझ्ने काम भइरहेको प्रहरी निरीक्षक पाण्डेयले जानकारी दिए ।
