बैतडीः बैतडीका एक पुरुष ७ दिनदेखि बेपत्ता रहेका छन्। बैतडीको डिलाशैनी गाउँपालिका–७ खेतागाउँ घर भएका ४४ बर्षीय नवराज भट्ट ७ दिनदेखि बेपत्ता रहेका छन्। ७ बर्ष पहिला पनि बेपत्ता रहेका भट्ट गएको बर्षमात्रै घर फर्केका डिलासैनी गाउँपालिका– वडा नम्बर ७ का वडाअध्यक्ष प्रकाशकणी भट्टले बताए। खेतागाउँबाट लौडेला भन्ने ठाउँमा जान्छु भनि गएका भट्ट अझै घर नफर्केका उनका भाइ पदम भट्टले बताए।
मानसिक समस्या भएका नवराज घर नफर्केपछि परिवार चिन्तामा परेको उनका भाइ पदम भट्टले बताए। नवराजलाई कसैले फेला पारेमा नजिकको प्रहरी कार्यालयमा वा ९८४२८९७००८ मा सम्पर्क गरिदिन आग्रह गरिएको छ।
