बैतडी–सडक दुर्घटनामा परेर बैतडी घर भएकी एक महिलाको भारतमा मृत्यु भएको छ । बैतडीको सिगास गाउँपालिका ७ न्वाघर घर भई हाल रोजगारीको सिलसिलामा भारतमा बेंगलोरमा रहेकी दुर्गा साउँदको सडक दुर्घटनामा परेर मृत्यु भएको हो । सोमबार दिउँसो ४ बजेतिर सडक क्रस गर्ने क्रममा टिप्परले किचेर दुर्गाको मृत्यु भएको आफन्त धनमती ऐरले बताइन् ।
विगत चारपाँच बर्षदेखि रोजगारीका लागि श्रीमान प्रेम साउँदसंगै बेंगलोरमा रहेकी दुर्गाको मृत्यु भएपछि घरपरिवार शोकमा डुबेको छ । मृतक साउदको एक छोरा रहेको बताइएको छ ।
