बाजुरा : बाजुरामा एक जनाको पसलमा आगलागी भएको छ। जिल्लाको त्रिवेणी नगरपालिका–९ का कृष्णबहादुर बिष्टको पसलमा आगलागी भएको हो। उनी बुढिगंगा नगरपालिका–२ ताप्रिसेरामा पसल सञ्चालन गरेर बसेका थिए।
बिष्टको गोदाममा आज (शनिवार) बिहान आगलागी हुँदा गोदामभित्र रहेका खाद्यान्न, कुखुराको दाना, लत्ताकपडा लगायतका सरसामान जलेर करिब २० लाख रूपैयाँ बराबरको धनमाल नष्ट भएको प्रहरीले जनाएको छ। आगलागीको कारण भने खुलेको छैन।
