धनगढी : नेकपा (एमाले) को धनगढी उपमहानगर कमिटीको अध्यक्षमा अम्बिका विष्ट अत्याधिक मत मतले विजयी भएकी छिन् । विष्टले १२८ मत पाएकी छन् । उनका निकटम् प्रतिद्धन्द्धी कमलसिंह रानाले ६९ र अर्का प्रतिद्धन्द्धी मदनराज रेग्मीले ४७ मत पाए । यस्तै उपाध्यक्षमा बिष्ट प्यानलका पर्वत चौधरीले १०६ मत पाएर विजयी भएका छन् । उपाध्यक्षका प्रत्यासी प्रेमबहादुर महराले ९५ र ऐनबहादुर सिंह ३५ मत पाए ।
सचिवमा बिष्ट प्यानलकै चन्द्रप्रकाश जोशी विजयी भएका छन् । उनले ११५ मत पाए । भने उनका प्रतिद्धन्द्धी अभिषेक नाथ लोकले ८१ र छेदालाल चौधरीले ३८ मत पाए । यस्तै दुई उपसचिवमा पनि बिष्ट प्यानलकै सरस्वति चन्द र जनक ढकाल विजयी भए । चन्दले १०८ र ढकालले १०३ मत पाएका थिए ।
