धनगढीमा सम्पन्न कैलाली यू-१६ अन्तर विद्यालय क्रिकेट च्याम्पियनसिप २०८१ को उपाधि लिटिल फ्लावर स्कुलले जितेको छ। फाइनल खेलमा र ऐश्वर्या विद्या निकेतन ७६ रनले पराजित गर्दै लिटिल फ्लावरले उपाधि हात पार्यो। उपाधिसँगै लिटिल फ्लावरले ५० हजार पुरस्कार जितेको छ । ऐश्वर्याले २५ हजार पायो ।
जितका लागि पाएको १३५ रनको लक्ष्य पछ्याएको ऐश्वर्या १८.४ ओभरमा ५८ रनमा अलआउट भयो। उसका कुनै पनि ब्याटरले सम्झन लायक प्रदर्शन गर्न सकेनन् । लिटिल फ्लावरका सचिन भट्ट,दिनेश महरा र विक्की सिंहले २र२ विकेट लिए। यसअघि फाप्ला मैदानमा पहिला ब्याटिङ गरेको लिटिल फ्लावरले निर्धारित २० ओभरमा ९ विकेटको क्षतिमा १३४ रन बनायो।
जसमा सचिन भट्टले अविजित ५८ रन बनाए। ऐश्वर्याका अविरल विकले ३ विकेट हात पारे। कैलाली जिल्ला क्रिकेट संघको आयोजनामा वैशाख ३० गतेदेखि प्रतियोगिता सुरु भएको थियो।
